محمود طه
عضو مبتدى
عدد الرسائل : 5
العمر : 36
تاريخ التسجيل : 02/01/2009
 | موضوع: القضية الفلسطينية ... إلي كل من يهمه الامر  الجمعة 2 يناير 2009 - 15:50 | |
|  بسم الله الرحمن الرحيم مبدئيا ... الاختلاف في الرأي لا يفســد للود قضيــة اولا احب ارحب بكل الاعضاء والزوار الكرام ,, بعد المقدمة نتكلم بقي في صلب الموضوع ( القضية الفلسطينية ... إلي كل من يهمه الامر ) في حياتنا اليومية مافيش يوم نفتح
فيه التليفزيون ونشوف الاخبار غير لما نلاقي استشهد اليوم مش عارف كام
واحد فلسطيني علي يد القوات الاسرائلية لما مش عارف كان في ايه علي الضفة
ولا لما كان في اشتباكاتنقعد احنا بقي نتفرج ونتأثر باللي بيحصل للناس ونقول لا حول ولا قوة الا بالله طيب الناس الي بتموت دي زمبها , دي اسرائيل دي بلد كفرة وبنت تيت ونحسبن عليهم وندعي كمان عليهم طيب ممكن ثواني معايا بقي ... تعالي نرجع ورا كده ايام وعد بلفور الشهير ( وعد من لايملك لمن لا يستحق )عاوزين نفتكر ايه بالظبط الي حصل ايامها وتقدرو تفتكرو الموضوع كله من الرابط ده ايامها ياجماعة كان الاسرائيلين او
اليهود والصهينة بمعني اصح كان بيتدفقو في الاراضي الفلسطينية بشكل غير
عادي وكانت خطة مرسومة بدقة علي عرب فلسطين عشان يبيعو ارضهم واعمالهم وكل
شيء بالبلد ثانية كمان معايا .. انت شايفني عمال اكتبلك حاجات كتير اوى كل الناس عارفنها مسألتش نفسك انا بفكرك بالكلام ده كله ليه ؟ انا كاتب الكلام ده كله عشان اوصلك حاجة واحدة بس وهي :-ان الي يفرط في ارضه ووطنة ميستحقش يعيش فيها ثانية واحدة حتي لو اتعرض عليه كنوز الدنيا تعالي معايا افتكر فلسطين كانت عامة ازاى مش هتكلم عن مصر , الخيانة الي حصلت في 1948 واستخدام الجيش المصري اسلحة فاسدة وذخيرة فاسدة آدت لهزيمة الجيش المصري واستشهاد الاف الجنود المصرية والعربية في حاجة حصلت ايامها تقريبا مش كل الناس تعرفها .عارفين الي كان بينجي من الحرب كان بيعمل ايه ؟!كان بيضطر آسفا انه يمشي في الصحراء عشان يهرب من العدوان والموت عارفين البدو الفلسطينين عملو ايه ؟ العربي البدوي كان يقول للجندي المصري لو عاوز تاكل
وتشرب سيب سلاحك وقول للقائد بتاعك انه ضاع منك في الحرب , عارفين ده
معناه ايه ؟!ان في عز ماحنا بنحارب عشانهم وعشان نحرر ارضهم كانو هما بيخونونا ويسلبونا حياتنا واسلحتنا .التاريخ كان ايامها بيعيد نفسه , ايام صلاح الدين وايام 1948 انا مش بقول ان فلسطين وحشة ولا
متستحقش بس انا مستغرب ازاى اهل البلد الي اتربو فيها وعاشو حياتهم فيها
وباعوها وفرطو فيها بالساهل . انا معاكم ان الاجيال الجديدة مالهاش زمب , بس ارجع اقولكم الدم واحد والخيانة دي طبع وعادة . بجد وامانة انا عن نفسي ووجهة نظري ان شعب فلسطين ميستحقش غير الي هو فيه لان هما السبب من الاول وهما الي فرطو في ارضهم بمنتهي السهولة من غير تعب -------------------------------------------------------------------------------- كلنا زعلنا علي محمد الدر وكلنا بنزعل وبتتقطع قلوبنا علي شهداء فلسطين بس تعالو افكركم بالجنود المصرية في 1948 , 1967 , 1973ماهما كمان بشر وضحو بروحهم عشان الوطن بس في فرق واحد الفلسطيني الي استشهد , استشهد عشان غلطة زمان ابوه وجده غلطوها لكن المصري الي استشهد , استشهد عشن حتة من وطنه كان مغتصبها اليهود --------------------------------------------------------------------------------------------- ناس كتير ممكن تشوف كلامي تقول اني منحاز لليهود بس وقسما بالله انا مابكره في حياتي حد زي مابكره اي اسرائيلي بس الي مزعلني ومحزني ان كل يوم بنزل الشارع اشوف مظاهرة هنا ومظاهرة مش عارف فين وحاجات غريبة بتحصلالمشكلة ياجماعة ان احنا دلوقتي حتي لو صوتنا وصل
للعالم بمظاهرتنا احنا عندنا مشكلة اكبر من فلسطين ومن العالم كله , مشكلة
محدش حاسس بيها المواطن المصري بيموت عشان رغيف العيش , دي كارثة حقيقة اقوي من اي احتلال في العالم الناس الي بتعمل المظاهرات دي مش حاسة بأي حاجة ولا
داريين بالي بيحصل مش عارفين ان احنا بعد كام سنه هندبح بعض عشان نجيب
رغيف عيش ومش حاسين ان الخطر ابتدي يقرب والمشكلة التانية بردو ان معظم الي بيعمل مظاهرات
تلاقيه انسان جاهل مع احترامي للجميع بس انا اقصد بجاهل انه جاهل فكر
وثقافة مقصدش جاهل العلم نفسه . وحاجة تانية بردو مجنناني كل يوم رئيس دولة عربية يقولك ان احنا مقصرين في حق فلسطين وان احنا بنرفض المساعدةطيب احنا هنعمل ايه ولا ايه !! بس من الناحية الانسانية ارجع
واقول ان الشعب الفلسطيني دلوقتي مافيش في ايده اي حيلة بمعني اصح معتدي
بأقوي الاسلحة ومعتدي عليه مافيش في ايده غير الحجارة !!!وده للاسف نتيجة لصراع سياسي داخلي بين فتح وحماس انا اكره اهانة انسان , اكره قتل طفل . لكن كمان اكره الي حقة ضايع وناسيه وبيدور علي مصالح مالهاش اي قيمة ---------------------------------------------------------------- علي العموم الموضوع مفتوح للنقاش وانا هفضل فاتح الموضوع للردود الجادة فقط .! | |
|
Ahlamontada 
